蛇虫說

虫說: 嘩,你睇廚房D蟻衝來衝去咁快唔知為乜, 又唔係搵到食。

蛇說: 中環D人夠衝來衝去咯, 夠唔一定搵到食咯。

蛇虫說

蛇說: 「呢個網站超無耻。」

虫說: 「咩事呀?」

蛇說: 「賣啲designer chair明明係抄襲, 仲夠薑打正旗號,
列晒出處、設計師資料等等…你話係咪厚顏無耻?」

虫說: 「講厚顏, 佢邊夠嗰隻star phone勁? 擺明抄iphone,
logo仲有九成似, 只不過人哋蘋果咬了一啖,
佢個蘋果多粒五角星, slogan仲要話係中國人的驕傲…」

蛇說: 「唉, 中國人!」

虫說: 「咁…你會唔會幫襯嗰個網站買傢俬先?」

蛇說: 「咁…都或者會喎。」

虫說: 「講完。」

林鄭越強

有冇留意在立法會發言時, 發展局長林鄭月娥頭頂那叢從未曝
過光的白髮? 林鄭局長的確有點政治智慧, 在這非常時期難道
她還要像台灣那位行政院長那麼笨, 跑去染髮俾人捉個正着嗎?
乾脆豁出去冇遮冇染讓你看個夠, 以示她對冚樓事件有多揪心。

我們當然也願意相信林鄭局長是真的很揪心的。
在芸芸問責局長裡, 林鄭算是最肯發心發力去做事的一位。
其他那些側側膊, 沒有什麼好說的。

煲呔曾經說林鄭「好打得」, 是他少數講得很中肯的一句。林鄭
應該也相信自己好打得, 不然當年「皇后碼頭」事件她不會夠薑
現身示威陣營與民眾直接對話。鄭汝樺也說「反高鐵」那晚她想
站出來和八十後對話, 想囉, 就是唔夠薑囉, 臨尾還上演一幕高官
議員狼狽而逃的大戲, 說什麼都已官威盡失。

什麼是官威呢? 俗語說「官字兩個口」, 今時今日做官的動不動
要面對群眾、動不動要為政策解畫, 舌戰爛仔議員……如果發那幾
分鐘言都要望稿望幾十次, 威信分必然大打節扣。很遺憾香港大部
分官員包括特首都只能如此。於是乎, 又給林鄭月娥脫穎而出。

今次冚樓事件, 林鄭月娥拍心口一力承擔跟進的責任, 她的發展局
還斥資十幾萬買起商台四個星期的節目時段, 再次接觸群眾, 成效
未知但已有正面口碑, 怎也好過鄭汝樺今日在facebook露面一小時。
想和八十後玩facebook, 卻又一小時限定, 可不可笑呢, 在戴高樂機
場轉機, 就當自己去過巴黎。